तू माझी The Collection

< >

तू माझी  The Collection

राजेश शिरवाडकर

💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗

                तुझ्या गालावरच्या लाली पेक्षा

                                  मला तुझी बिंदीच जास्त आवडते
                 कारण ती नसताना तू...
                                  तू वाटत नाहीस  ........

*****

                 पहाटेच्या धुक्यावर
                                   मी लिहिलं तुझं नाव..
                 तुझी आठवण तुझा ध्यास 
                                    माझं अवघं भरून राहिल गाव......

*****

                   होता  मन गुलमोहर 

                                         घेऊन आलीस रंग लाल

                     कधी कविता तू कधी फुलराणी

                                          शिंपित मनी गुलाल

                *****

                     तुझ्या वाचून जगणे 
                                              जगणे वाटत नाही
                     कधी मित्रांसमवेत हसलो तर
                                              ते हसणे हसणे वाटत नाही

*****

                      तुझ्या प्रत्तेक शब्दावर
                                          प्रीतीचे नाव कोरून 
                       मी जपून ठेवलंय नातं 
                                                तुझं तुलाच चोरून

*****

                        अशी झुरते कविता 
                                           सांभाळून प्रीतीचे धागे 
                         किती काळ लोटून गेला 
                                           असं कोण राहिलं मागे 

                                                     *****

                           तुझे कुंतल की 
                                         माळलीस रात्र वादळातली 
                            डोळेही बेहोष 
                                         जणू रातनक्षी   आभाळातली 

                                                   *****
                            मला माहीत  आहे मला पाहिल्यावर
                                           तुझ्यात संचारते वादळ
                            मलाही घायाळ करते
                                              मोहक तुझी नजर 

                                                   *****
                           ढग दाटून  आल्यावर 
                                              आभाळ सांडत राहिले 
                            मला भिजायचं होतं नखशीकांत 
                                              पण मन तुला शोधत राहिले 

                                                      *****
                          अगं अगं सावर 
                                          तुझा रेशमी पदर 
                          बघ निसटून चाललाय 
                                            माझ्या मनाचा भ्रमर

                                                      *****
                          तुझे कात्थई डोळे
                                            नेह्नी मला शोधत असतात 
                          नजरभेट झाली कि मात्र 
                                                खाली झुकत असतात 

                                                      *****

                          कधी काही माझं एकटेपण 
                                                 तुझ्याहुनही प्रिय वाटतं 
                           तू नसताना ते माझ्याशी 
                                                हितगुज साधतं

                                                      *****

                           तुजसाठी कधीपासून मी 
                                                    चंद्र एक सांभाळलेला 
                           तुझ्या पाऊलखुणा शोधत 
                                                  अजून सुरंगीच्या पानात हरवलेला 

                                                   *****

                           तू डोळ्याआड होताना 
                                          माझं मलाही कळलं होतं 
                          मनातल्या पिंपळाचं 
                                           पान - नं - पान गळालं होतं 

                                                   *****

                          तुझ्या मेहंदीच्या रेषांत

                                          माझं मन रंगलेलं 
                          कितीही अडवलं तरी 
                                            तुझ्या तळहातावर गुंतलेलं 

*****

                             तुझी स्वप्नं पाहताना 

                                            जवळ किती आठवणी 

                             तू माझ्यापासून किती दूर

                                             जशी दुरस्त चांदणी 

*****

                             या काळोख्या वाटेवर 
                                            माझा एकट्याचाच प्रकाश
                              माहित नाही काजव्यांचा प्रकाश 
                                             कुठवर देईल साथ 

*****

                              आता माहित नाही काळ 

                                                दाखवील कोणती वाट

                              मी बांधली पण 

                                                तुझ्या हृदयाशी गाठ 

*****

                            मला नुसताच घर 

                                                  नाही बांधायचय

                            तुला  बरोबर घेऊन 

                                                   त्याला घरपण द्यायचय

*****

                             तू नसताना मी 

                                                    गर्दीतही एकटाच असतो 

                             तू सोबत असलीस कि 

                                                      मी गर्दीसाठी पोरका असतो.

*****

                             फुले वेचली नाहीत म्हणून 

                                                      प्राजक्त रागावलेला 

                              त्याला काय माहित 

                                                    मनातला प्राजक्त आधीच बहरलेला 

*****

                            तुझ्या सहवासातले चार क्षण 

                                                   मला समाधान लाख जन्माचं 

                            आता नाही म्हणणार कधी 

                                                   काहीतरी राहीलं जगण्याचं  

*****

                           मी एकटाच होतो

                                                पाण्यापारी बेरंग

                           तुला भेटलो तुझ्यात मिसळलो 

                                               जीवनात आले रंग रंग

                                                                              *****

                             जळायचच होतं तर 

                                               का मागितली तुझी साथ

                             एकट्यानेच जळालो असतो तर

                                                कोणालाच आली नसती जाग

                                                                                *****

                             वादळ आलं तरी 

                                               सारंच उध्वस्त करत नसतं

                             छोट्या छोट्या वेलींना 

                                               बहरण्यासाठी मागे ठेवत असतं

                                                                                *****

                             लिहायला तुझा विषय काढला 

                                                कि शब्द कुठून कुठून धावत येतात

                              मी आधी कि तू आधी करत

                                                 एकाच गर्दी करतात 

                                                                            *****

                             
                                 तुझी शल्ये  तुझ्या वेदना 

                                                       मी मुक्याने साहतो आहे

                             तुझ्या यज्ञात समिधा होऊन 

                                                       रोज नव्याने जळतो आहे.

*****

                              तुमच्याशी बोलायला शब्दच 

                                                                नाही मिळती 

                              माझ्या शब्दांचे शब्दकोश 

                                                      फक्त तिच्यासाठी 

*****

                           कुणाकुणाला कशाकशाचा 

                                                          फिवर

                           तू मात्र होऊन बसलीस 

                                                        माझ्या मनाचा स्क्रीनसेवर 

                                                                            *****

                           तसं खूप काही असतं 

                                               तुझ्या संगे बोलायचं

                           तू आलीस कि राहूनच जातं

                                               खूप काही सांगायचं

                                                                           *****

                              शोधताना हृदय रमते 

                                                    कोणासंगे हळदी उन्हात 

                              दिसतेस फक्त तू 

                                                    हिंडताना मनात 

                                                                           *****

                              तुला पाहिल्यावर ठरवलं 

                                                     मनाला आवरायचं 

                              मन दूर उभं राहून म्हणालं 

                                                     तू हि ये आता नाही सावरायचं

                                                                           *****

                               तुझ्या स्वप्नात येण्यासाठी 

                                                             का शोधू बहाणा 

                                 तू तर आहेस माझा 

                                                                छानसा उखाणा 

                                                                             *****

                          प्रीत नसते कधी 

                                              शब्दात मांडायची 

                          ही गाठ अशी कि 

                                                     मनाने सोडवायची 

                                                                           *****

                            इतकी वर्ष जीव फक्त 

                                                तुझ्यासाठी तरुन धरला होता 

                            जिथे प्राण गेला तो 

                                                तुझ्या घरचा रस्ता होता 

                                                                          *****